Política de protección de datos de clientes de AGRUPACIÓ e ATLANTIS

 

As seguintes entidades aseguradoras queren informar os seus clientes e usuarios desta páxina web sobre a súa política de protección de datos de carácter persoal de clientes, cumprindo así co dereito de información que o Regulamento (UE) 2016/679, de 27 de abril de 2016, relativo á protección das persoas físicas no que respecta ao tratamento de datos persoais e á libre circulación destes datos, e a Lei Orgánica 3/2018, de 5 de decembro, de Protección de Datos Persoais e garantía dos dereitos dixitais, recoñecen a tódolos interesados.

Quen é o responsable do tratamento dos seus datos?

O responsable do tratamento dos datos persoais do usuario será a entidade aseguradora coa que este manteña a súa relación contractual como cliente (en diante referidos calquera deles como os «usuarios»).

As entidades aseguradoras que actualmente integran o Grupo AXA en España son as seguintes (en diante referida calquera delas, indistinta e separadamente, como a «entidade aseguradora» ou, conxuntamente, como as «entidades aseguradoras»):

  • AGRUPACIÓN AMCI DE SEGUROS Y REASEGUROS, S.A.
    CIF: A-65782807 Enderezo postal: Carretera de Rubí, 72-74, Edificio Horizon, 08174 Sant Cugat del Vallès (Barcelona)
    Páxina web: www.tomamosimpulso.com/seguros
    Correo electrónico:     protecciondatosgacm@gacm.es
    Contacto do delegado de protección de datos:     dpogrupoacm@gacm.es
  • ATLANTIS VIDA, COMPAÑÍA DE SEGUROS Y REASEGUROS, S.A.
    C.I.F. A-61944203
    Enderezo postal: Carretera de Rubí, 72-74, Edificio Horizon, 08174 Sant Cugat del Vallès (Barcelona)
    Páxina web: www.tomamosimpulso.com/seguros
    Correo electrónico:     protecciondatosgacm@gacm.es
    Contacto do delegado de protección de datos:     dpogrupoacm@gacm.es

Por que e para que tratamos os seus datos persoais?

A continuación, detállanse as finalidades de tratamento dos datos de carácter persoal facilitados polos usuarios a través de calquera das súas canles de comunicación habituais das entidades aseguradoras (formularios en papel ou telemáticos, chamadas telefónicas, correos electrónicos, aplicacións móbiles, SMS ou outros medios telemáticos análogos).

Distribución, formalización, desenvolvemento e execución do contrato de seguro

No caso de que o usuario contratase unha póliza de seguro, a entidade aseguradora coa que formalizase o contrato poderá tratar os seus datos persoais facilitados durante a vixencia do contrato de seguro, xa se obteñan vía conversas telefónicas mantidas con esta (as cales consente que poidan gravarse), correo electrónico, sms ou medios equivalentes, con todas ou algunhas das seguintes finalidades:

  • a xestión da solicitude e información do/s produto/s de seguro que máis se axuste/n ás súas esixencias e necesidades;
  • a valoración, selección e tarificación de riscos;
  • a formalización e desenvolvemento do contrato de seguro, así como garantir o pleno cumprimento das obrigas establecidas na normativa de seguros vixente en cada intre;
  • asesoramento e a realización de tests de idoneidade e conveniencia naqueles produtos que, no seu caso, o requiran;
  • a xestión do contrato (modificacións, información bancaria, ampliacións coberturas, etc.);
  • a peritaxe de danos e liquidación de sinistros (nalgúns casos, con datos de saúde);
  • a comunicación dos seus datos a provedores para a prestación de servizos ao asegurado relacionados co contrato de seguro (nalgúns casos, con datos de saúde);
  • o intercambio de información co seu mediador de seguros;
  • a xestión de queixas e reclamacións;
  • a posible consulta aos sistemas de información crediticia Asnef (www.asnef.com) para coñecer a súa capacidade financeira e poder ofrecer produtos e/ou servizos adecuados a el;
  • a elaboración de perfís con fins actuariais, análise de mercado, probabilidade da fraude e perfís comerciais sen decisións automatizadas;
  • o rexistro de contratos, sinistros, provisións técnicas e investimentos;
  • a cesión de información entre empresas do mesmo grupo para o cumprimento de obrigas de supervisión e para a xestión centralizada de recursos administrativos e informáticos compartidos;
  • cumprimento de medidas de dilixencia debida na prevención do branqueo de capitais e o financiamento do terrorismo;
  • de coaseguro e reaseguro;
  • a comunicación a outras entidades aseguradoras ou organismos públicos ou privados relacionados co sector asegurador con fins de colaboración estatístico-actuarial ou para a prevención da fraude;
  • a externalización de servizos relacionados coa actividade aseguradora;
  • cesións de carteira, fusións, escisións, transformacións, e análogos;
  • securizar as principais canles de contacto (correo electrónico e número de móbil) que lle permitan acceder de maneira segura á área privada de clientes que a entidade poña á súa disposición para poder consultar informacións de todo tipo relacionadas cos contratos de seguro subscritos coa entidade aseguradora, mesmo os datos bancarios ou financeiros e, no seu caso, os relativos á saúde, ou para poder subscribir ou modificar produtos, cumprindo os correspondentes requisitos;
  • realizar comunicacións informativas, a través de calquera medio de comunicación (correo postal, teléfono, etc.), incluíndo tamén medios electrónicos (correo electrónico, SMS, MMS, aplicacións móbiles, etc.) tales como alertas de seguridade, recordatorios de activación de produtos e servizos vinculados ou incluídos en produtos e servizos xa contratados, ou outras análogas.

En caso de que o interesado lle facilitase á entidade aseguradora datos persoais de saúde, estes trataranse, ademais, para a determinación da asistencia sanitaria e a indemnización, o axeitado aboamento aos prestadores de servizos sanitarios e o reintegro ao asegurado ou beneficiario dos gastos de asistencia sanitarios.

No caso de que no contrato se inclúan datos persoais de terceiras persoas, o solicitante do seguro, con carácter previo á inclusión, deberá informar do porqué da inclusión e obter o consentimento destes terceiros para facelo.

A achega dos datos solicitados ao interesado é obrigatoria e, polo tanto, a contratación e posterior mantemento da relación contractual están supeditados á súa obtención.

Cumprimento de obrigas legais

As entidades aseguradoras poderán realizar tratamentos dos seus datos coa finalidade de dar cumprimento á normativa vixente (algunha da cal detállase máis adiante) e que, se a mesma non se executase, se vería sometida a procedementos de responsabilidade fronte á administración pública e aos órganos supervisores.

Envío de boletíns electrónicos e de publicidade propia

As entidades aseguradoras poderán enviarlle boletíns electrónicos e comunicacións comerciais sobre produtos propios similares aos contratados a través de calquera medio de comunicación (correo postal, teléfono, etc.), incluíndo tamén medios electrónicos como o correo electrónico, sms, fax, redes sociais, chamadas telefónicas, aplicacións móbiles e análogos.

Realización de enquisas de satisfacción e accións de fidelización

As entidades aseguradoras poderán tratar os seus datos coa finalidade de realizar, a través de calquera canle de comunicación (incluídos as electrónicas):

  • enquisas de calidade e satisfacción, co obxectivo de valorar os seus produtos e servizos;
  • accións de fidelización, tales como o envío de mensaxes de benvida e de felicitación, o envío de obsequios, códigos de desconto ou outras accións análogas.

Reutilización da información mediante análises estatísticas a través dun perfil anónimo

As entidades aseguradoras poderán tratar tódolos datos persoais obtidos con motivo do mantemento das relacións contractuais (datos transaccionais, datos de navegación da páxina web, da área privada de clientes ou da aplicación móbil, datos de contratación, datos derivados do servizo de atención ao cliente, datos socioeconómicos e de características persoais, etc.), para realizar un control de calidade permanente dos nosos produtos e servizos e da nosa actividade comercial, a través do estudo da información anonimizada e a xeración de estatísticas, previsións de comportamento e conclusións, que nos permitan corrixir as posibles deficiencias detectadas e, en todo caso, mellorar os nosos produtos e servizos de xeito xenérico, de acordo coas conclusións dos estudos realizados.

Este tratamento realizarase mediante a aplicación de técnicas de anonimización, consistentes na eliminación de tódolos datos identificativos e, ademais, na substitución daqueles datos que poderían indicar a súa identidade deducida por outros datos xenéricos que fagan imposible esta identificación.

Que lexitimidade ten o responsable do tratamento para o tratamento dos seus datos persoais?

As bases legais que lexitiman as entidades aseguradoras para o tratamento dos seus datos persoais son as que se detallan seguidamente, segundo o tratamento de que se trate:

Execución do contrato e aplicación de medidas precontractuais:

Aplica cando o tratamento dos datos do usuario sexa necesario para a distribución, formalización, xestión e execución do contrato de produtos de seguro, a prestación dos servizos vinculados a este e a realización de calquera xestión previa relacionada coa entrada en relación comercial e/ou contractual coas entidades aseguradoras.

O cumprimento de obrigas legais:

Será de aplicación cando o tratamento dos datos do usuario por parte do responsable do tratamento estea fundado no cumprimento dalgunha obriga legal.

O interese lexítimo

Trátase daqueles tratamentos que as entidades aseguradoras realizan sempre que os seus intereses (ou os de terceiros) prevalecen aos intereses ou os dereitos e liberdades do interesado, tendo en conta a expectativa razoable deste segundo a súa relación coa entidade.

Algúns destes tratamentos consisten no envío de comunicacións comerciais, a través de calquera medio, mesmo electrónico, sobre produtos e servizos propios similares aos contratados coas entidades aseguradoras; a comunicación de datos a empresas do grupo para a optimización e centralización de recursos administrativos e informáticos compartidos; as cesións de carteira, fusións, escisións, transformacións, etc.; a reutilización da información mediante análises estatísticas a través dun perfil anónimo; a realización de enquisas de calidade e satisfacción, de accións de fidelización, a través de calquera canle de comunicación (incluídas as electrónicas) tales como felicitacións, envío de obsequios, códigos de desconto ou outras accións análogas.

O interesado poderá solicitar, no seu caso, a oposición aos tratamentos baseados no interese lexítimo dirixíndose á entidade responsable do tratamento dos seus datos a través de calquera das canles indicadas no apartado “Dereitos” desta política.

Durante canto tempo conservamos os seus datos?

Os datos persoais proporcionados conservaranse e trataranse durante toda a vixencia do contrato de seguro coas finalidades indicadas e, ao vencemento deste, durante os prazos de prescrición das obrigas legais esixibles ás entidades aseguradoras conforme á normativa vixente en cada intre.

Unha vez vencidos os referidos prazos de prescrición de obrigas legais, suprimiranse os seus datos.

Quen son os principais destinatarios dos seus datos persoais?

  • Mediadores de seguros das entidades aseguradoras e outros prestadores de servizos que actúan como encargados de tratamento de datos das entidades aseguradoras.
  • Entidades coaseguradoras e reaseguradoras das entidades aseguradoras, no caso de que o usuario contratase unha póliza de seguro.
  • Entidades aseguradoras, asociacións ou organismos públicos ou privados relacionados co sector asegurador (como, por exemplo, UNESPA).
  • Organismos públicos e autoridades competentes en xeral.
  • Grupo de empresas de Grupo AXA en España, para finalidades relacionadas co cumprimento de obrigas de supervisión, a prevención da fraude e a xestión centralizada de recursos administrativos e informáticos compartidos, e a entidades aseguradoras ou outros terceiros persoa física ou xurídica, en caso de ser preciso para o desenvolvemento da prestación.

Cales son os seus dereitos cando nos facilita os seus datos persoais?

A normativa vixente permítelle exercitar os dereitos que se detallan a continuación para a protección dos seus datos persoais respecto dos tratamentos informados.

Dereito de acceso: permítelle ao interesado dirixirse ao responsable do tratamento para coñecer se está a tratar ou non os seus datos persoais e, no caso de que se estea a realizar o devandito tratamento, obter certa información ao respecto (fins do tratamento, categorías de datos tratadas, orixe dos datos, prazo previsto de conservación).

Dereito de rectificación: permítelle ao interesado solicitarlle ao responsable do tratamento a modificación dos seus datos persoais cando estes sexan inexactos ou non respondan á situación real do interesado e completar os devanditos datos persoais cando sexan incompletos.

Dereito de oposición: permítelle ao interesado opoñerse a que o responsable realice un tratamento dos datos persoais cando: (i) estea baseado no interese lexítimo do responsable ou (ii) teña como finalidade a mercadotecnia directa, incluíndo en ámbolos dous casos a elaboración de perfís.

Dereito de supresión: permítelle ao interesado solicitarlle ao responsable a supresión dos seus datos persoais cando concorren determinadas circunstancias, polo que non se pode considerar un dereito ilimitado.

Dereito de portabilidade: permítelle ao interesado dispor dun maior control sobre os seus datos persoais, de xeito que, cando o tratamento se efectúe por medios automatizados e se lexitime segundo o consentimento ou no marco da execución dun contrato, poida solicitarlle ao responsable a recepción dos seus datos persoais nun formato estruturado, de uso común, de lectura mecánica e interoperable ou a súa transmisión segura a outro responsable do tratamento.

Ante quen pode exercitar as súas reclamacións?

Para o exercicio de calquera destes dereitos, o interesado ten que remitir unha comunicación escrita coa referencia “Protección de datos”, identificándose debidamente e concretando a solicitude que realiza. Solicitarase unicamente que se acompañe dunha copia do documento nacional de identidade ou documento identificativo análogo (NIE, pasaporte, etc.) en caso de que a entidade o precise inequivocamente para verificar a identidade do asegurado. Para o envío da comunicación coa solicitude de exercicio destes dereitos, Grupo ACM España pon á disposición do usuario as seguintes canles de comunicación:

  • Enderezo postal: Carretera de Rubí, 72-74 Edificio Horizon 08174 de Sant Cugat del Vallès (Barcelona)
  • Enderezo de correo electrónico: protecciondatosgacm@gacm.es
  • Contacto do delegado de protección de datos: dpogrupoacm@gacm.es

Por último, informamos os usuarios de que os asiste o dereito a presentar calquera reclamación ante a autoridade de control (Axencia Española de Protección de Datos: R/ Jorge Juan, 6. 28001 –Madrid, www.aepd.es) en relación co tratamento dos seus datos persoais ou o correcto exercicio dos dereitos recoñecidos pola normativa vixente.

 

Data de publicación:

1 febreiro de 2025